Првиот човек на кошаркарскиот клуб Виртус од Болоња Лука Баралди рекол дека очекувал Евролигата да донесе одлука истите 18 тимови и наредната сезона да се натпреваруваат во елитата.
Евролигата вчера ја поништи сезоната и донесе одлука во ова натпреварување, во сезоната 2020/2021 да учествуваат тимовите кои ја започнаа прекинатата сезона.
„Потврдата да учествуваат истите 18 екипи е очекувана. Сега треба да видиме дали сите 18 клубови ќе го потврдат учеството. Наводно Панатинаикос има проблеми. Доколку сите го потврдат учеството тогаш ние нема да имаме никакви шанси“, рекол Баларди.
„Ние го пополнивме формуларот, кој ќе биде разгледан доколку некој се откаже од Евролигата“.
Баларди најавил дека поради финансиската криза очекува да има сериозни промени во тимот.