По новата фантастична партија за Далас маверикс во плејофот против Лос Анџелес клиперс и неверојатната смиреност со која ја упати тројката за победа во продолжението за 2:2 израмнување во плејофот, денеска на Јутјуб се појави интересно видео кое уште еднаш го покажува неверојатниот талент кој го има Лука Дончиќ.
На видеото се тврди дека го претставува Словенецот кога имал 14 години на тренинзи и во игра, и веднаш се забележува неверојатната леснотија со која тој ги прави работите.
Тогаш, на 14 години, момчето премина во Реал Мадрид, каде што може да се забележи во игра против јуниорите на ривалите од Барселона, пред НБА да го запознае магичниот Лука со неверојатната деби-сезона и овогодишните луди настапи во плејофот.