Фудбалерите на Арсенал со трофеј ја започнаа новата сезона во Англија. „Тобџиите“ 16 пат во историјата го освоија Комјунити шилд откако го совладаа актуелниот првак Ливерпул по изведувањето на пенали. Натпреварот во 90 минути заврши без победник 1:1, а во пенал-серијата Арсенал победи 5:4.
Арсенал и Ливерпул не импресионираа на стартот од новата сезона, одиграа речиси просечен натпревар чии победник го реши пренал-рулетот.
Пјер-Емерик Обамејанг во 12 минута го постигна голот за водство на Арсенал. Габонецот ја искористи лошата поставеност на Вилијамс и го погоди подалечниот агол од голот на Алисон.
Јасна беше определбата на Арсенал шансата за гол да ја бара преку брзата транзиција. Четири минту по голот на Обамејанг, Нкетија имаше добра шанса но Алисон успеа да одбрани.
Ливерпул во првиот дел не се закани конретно кон голманот Маринез, иако константо неговите играчи го притискаа противникот. Првата конкретна шанса ја имаа во 59 минута кога Мартинез му одбрани чиста шанса на Мане.
„Црвените“ израмнија во 73 минута преку Минамино. Јапонецот кој во јануари пристигна во Ливерпул го постигна својот прв гол за „црвените“.
Во пенал серијата само еден играч промаши, малдиот Бристер кој влезе во игра во претпоследната минута. Неговиот удар ја погоди гредата.