Повратникот во француската елита, Ленс стигна до фантастична 1:0 победа над шампионот Пари Сен-Жермен, користејќи ја грешката на ослабениот тим на Томас Тухел, за кого ова беше прв натпревар во новата сезона.
Без Нејмар, Килијан Мбапе, Анхел ди Марија, Мауро Икарди, Маркињос и Паредес поради повреди или позитивни тестови на КОВИД-19, Тухел изведе комбиниран тим со млади фудбалери против Ленс и тоа се покажа.
Резултатот беше 0:0 до 57. минута кога Камерунецот Игнатиус Ганаго ја искористи катастрофалната грешка на младиот полски голман на ПСЖ, Марсин Булка и ги донесе домаќините во водство.