Вчера на „Стад де Франс“, светскиот шампион Франција го пречека европскиот шампион Португалија, во меч кој заврши 0:0, и кој очигледно француските фудбалери го искористија за фотографирање со Кристијано Роналдо, единствената вистинска ѕвезда на теренот.
Килијан Мбапе беше „најпогоден“, откако напаѓачот на ПСЖ никогаш не криеше дека го обожува Роналдо и на Инстаграм напиша кратко: „Идол“! Младиот Едуардо Камавинга, кој иако не доби шанса на теренот успеа да го смени дресот со ЦР7, по што на Инстаграм напиша дека „никогаш нема да го испере“.
Со свои статуси на Инстаграм со Роналдо се пофалија и Преснел Кимпембе, Лукас Ернандез и поранешниот соиграч од Реал Мадрид, Рафаел Варан.
? @ecama10 after swapping shirts with @Cristiano: “I won’t wash it” pic.twitter.com/JHG4QYNHis
— 433 (@433) October 12, 2020