Баерн Минхен се зацврсти на врвот на Бундеслигата по убедливата 4:0 победа на гостувањето кај Фрајбург, во меч одбележан со фантастичниот гол на Корентин Толисо.
По конкурентниот прв дел од мечот, Баерн експресно дојде до 0:2 водство на „Шварцвалд“ стадионот. Прво Томас Милер го „примора“ голманот Александер Шволов да си постигне автогол во 25. минута, за само три минути подоцна Толисо да постигне сензационален гол од 30-тина метри.
Сандро Вагнер, кој стартуваше на местото на Роберт Левандовски во 54. минута го направи мечот неинтересен, пред Милер да постигне четврти гол по одличната акција на Џошуа Кимих.
Фото: ЕПА