Top Sport

Facebook Twitter

Кил ја „скроти“ Барса и го наследи Вардар како европски шампион

Ракомет ТОП Makfax / 29.12.2020

Кил на Филип Јиха почна силно, и не попушти цел натпревар, за на крајот да стигне до 33:28 (19:16) победа над Барселона во финалето на ЕХФ Лигата на шампионите и по четврти пат да стане европски шампион, осум години по легендарниот успех во 2012 година.

Предводени од фантастичниот Никлас Ландин на голот, германскиот шампион водеше во текот на првото полувреме, правејќи 13:9 предност, пред Барса да се врати за 15:15, но потоа повторно да загубат ритам и да дозволат Кил да има 19:16 на полувреме. Барселона не успеа да направи уште еден камбек, а Кил ја оддржуваше предноста на +5 за конечни 33:28.

Никлас Екберг со осум и Сандер Сагосен со седум гола беа клучните ракометари за Кил, додека за Барса не помогнаа десетте гола на Алекс Абелјо.

Ова е четврти трофеј од ЛШ за Кил по тие во 2007, 2010 и 2012 година, додека Барселона ќе почека за десетти трофеј, откако последниот го освои во 2015. Претходно, Пари Сен-Жермен ја обезбеди бронзата со победата над Веспрем, во необична декемвриска завршница на Лигата на шампионите за сезоната 2019/20, поради пандемијата на КОВИД-19, поради која Вардар не доби шанса на терен да ја брани титулата – четирите учесници на Фајнал фор беа одредени така што се земаа двете најдобропласирани екипи во двете групи.

Scroll to Top