Поранешниот шеф на Ф1, Берни Еклстоун повторно го коментираше седумкратниот светски шампион Луис Хамилтон, но сега не му пречи фокусот околу „Black Lives Matter“, туку театарот кој го прави тој и неговиот тим Мерцедес со „наводните“ преговори околу новиот договор.
90-годишниот милијардер смета дека не е вистина дека по истекувањето на договорот на Хамилтон се случуваат преговори, туку дека работите се средени и дека само се „забавува“ публиката.
Првично шефот на Мерцедес, Тото Волф вети дека ситуацијата околу договорот ќе биде завршена до Божиќ, но вестите од Германија зборуваа дека во Мерцедес не се подготвени да ја дадат сумата која ја бара Хамилтон, но и зголемената улога која тој би ја добил во клубот и брендот. Еклстоун не верува во тоа.
„Се работи само за шоу за Мерцедес и Луис да се на насловните страници во овие студени и очајни недели. Посебно Луис. Видете што кажа Тото: ‘Можеби Луис има ново изненадување за нас4. Вистински театар“, вели Еклстоун.