Рафаел Надал, поради проблемите со грбот, нема да игра за Шпанија и во второто коло на АТП купот. Шпанците, пласман во полу-финалето, ќе треба да обезбедат во дуелот со Грција.
Надал, на медиумите им изјавил, дека не е доволно физички подготвен за да игра на максимално ниво.
„Ситуацијата не е сериозна, но не е ниту толку добра за да играм. Се чувствувам добро, но не можам да играм под максимално оптоварување“, рекол Надал.
За сега не е загрозен неговиот настап на Австралија опен. Турнирот ќе започне во понеделник. Доколку победи во Мелбурн, Надал ќе го освои 21 Гренд слем трофеи во кариерата и на вечната листа ќе го прескокне Роџер Федерер.
„Искрено, никогаш не сум се оптоварувал со Гренд слем трофеите. Одиме чекор по чекор, ајде прво да заиграм на Австралија опен. Доколку не се случи тоа, ништо страшно, сезоната продолжува“.
Ждрепката за првиот Гренд слем во сезоната ќе се одржи утре во Мелбурн.