Тотенхем одигра неверојатно слабо прво полувреме, за да дозволи лутиот градски ривал Челси да стигне до победа од 0:1 за трет пораз во низа на тимот на Жозе Мурињо, кој сега падна на осмото место на табелата со огромни 14 поени заостанување зад лидерот Манчестер сити.
Челси имаа повеќе од играта, диктирајќи го темпото преку Мејсон Маунт и Калам Хадсон-Одои, за на крајот во 24. минута тоа да се исплати кога Ерик Даер беспотребно го фаулираше Тимо Вернер, а Жоргињо не згреши од пенал. Во првото полувреме, „сините“ имаа барем уште две-три добри шанси, додека Тотенхем се мачеа во својата тактика.
Челси сега се на шестото место на табелата со 36 поени по двете победи во низа.