Кошаркарите на Мајами, Голден стејт, Портланд, Индијана и Бостон, изминатата ноќ, забележаа победи во НБА лигата. Индивидуално, се истакна Стеф Кари, кој постигна 10 тројки, во победата на Голден стејт над Орландо.
Џими Батлер, го предводеше Мајами до победата над Хјустон 101:94. Батлер мечот го заврши со 27 поени и по 10 скока и асистенции. Блиску до трипл-дабл беше и Бем Адебајо (10 поени, 13 скока, 8 асистенции). Кај Хјустон по 17 поени постигнаа Ерик Гордон и Џон Вол.
Голден стејт славеа во дуелот со Орландо со 111:105. Вориорс постигнаа 19 тројки, 10 од нив уфрли Кари, кој натпреварот го заврши со 40 поени, 8 скока, 5 асистенции и 4 украдени топки. Вообичаено кај Орландо се истакна Никола Вучевиќ со 25 поени и 13 скокови.
Портланд во драматична завршница, со погодени четири слободни фрлања во завршницата ја победија Филаделфија со 118:114. Демијан Лилард постигна 30, а Кармело Ентони 24 поени.
На Филаделфија не и помогна Џоел Ембид (35 поени, 9 скока).
Резултати:
Бостон-Торонто 120:106
Хјустон-Мајами 94:101
Детрои-Индијана 95:111
Голден стејт-Орландо 111:105
Портланд-Филаделфија 118:114