Најдобриот светски тенисер во моментов, Србинот Новак Ѓоковиќ на многу духовит начин коментираше на Инстаграм објавата на моментно најдобриот Формула 1 возач во светот, Британецот Луис Хамилтон.
Ф1 шампионот на социјалната мрежа објави своја фотографија од најраното детство, а вниманието на Ѓоковиќ го привлекла маицата што малиот Луис ја носел на себе при фотографирањето.
„Ми се допаѓа маицата која ја носиш на фотографијата. Меѓудругото, добро е што одбра да возиш формула, наместо да играш тенис. Во спротивно, сите ќе бевме во проблеми“ – коментираше Новак на објавата.
За потсетување, Хамилтон и Ѓоковиќ соработуваа на еден филмски проект кој промовира здрав живот, исхрана и веганство – „The Game Changers”.
Двајцата шампиони притоа имаа бројни деловни средби, снимаа реклами и учествуваа на бројни хуманитарни акции.