Ливерпул се обидуваат да го добијат тинејџерот на Барселона, Педри, пред да добие нов договор со каталонскиот клуб со далеку поголема откупна клаузула, тврди британскиот „Мирор“.
18-годишниот Педри Лопез во моментов има откупна клаузула од околу 81 милион евра, но Барселона му имаат понудено нов договор, во кој ќе има далеку поголема клаузула.
Тинејџерот оваа сезона беше „откритие“ на Барселона, со наоѓање место во првиот тим, а веќе имаше и три настапи за шпанската репрезентација.