Бразилскиот селектор Тите ги врати ветераните Дани Алвеш и Тијаго Силва во репрезентацијата за квалификациите за Светското првенство во 2022 против Еквадор и Парагвај следниот месец.
38-годишниот Алвеш, кој сега игра во Сао Пауло, и Силва, кој има одлична сезона со Челси, се вратени во селекцијата бидејќи се „вистински спортисти кои играат фудбал“, објаснува селекторот.
Бразил е лидер во јужноамериканската квалификациска група со четири победи од четири меча и два поени предност пред Аргентина. Мечевите против Еквадор и Парагвај требаше да се играат во март, но беа одложени поради пандемијата на корона вирусот. Враќањето на Алвеш и Силва не значи дека тие ќе бидат вклучени во тимот за Копа Америка, која стартува на 13 јуни.
БРАЗИЛ
Голмани: Алисон (Ливерпул), Едерсон (Манчестер сити), Вевелтон (Палмеирас).
Дефанзивци: Дани Алвеш (Сао Пауло), Данило (Јувентус), Алекс Сандро (Јувентус), Ренан Лоди (Атлетико Мадрид), Едер Милитао (Реал Мадрид), Лукас Верисимо (Бенфика), Маркињос (ПСЖ), Тијаго Силва (Челси).
Среден ред: Касемиро (Реал Мадрид), Даглас Луиз (Астон вила), Евертон Рибеиро (Фламенго), Фабињо (Ливерпул), Фред (Манчестер јунајтед), Лукас Пакета (Лион).
Напаѓачи: Евертон (Бенфика), Роберто Фирмино (Ливерпул), Габриел Барбоса (Фламенго), Габриел Жесус (Манчестер сити), Нејмар (ПСЖ), Ришарлисон (Евертон), Винисиус Жуниор (Реал Мадрид).