Англискиот селектор Герет Саутгејт вели дека медиумите претерале со известувањата дека асот на Ливерпул, Трент Александер-Арнолд нема да биде вклучен во неговиот 26-член состав за Европското првенство ова лето.
Иако вчера сите англиски медиуми беа едногласни дека 22-годишниот Александер-Арнолд ќе го загуби своето место, Саутгејт вели дека тие написи го налутиле.
„Зборував со Трент уште пред три недели, а потоа прочитав многу чудни наслови во медиумите, кои не знам од каде дојдоа. Тие беа многу далеку од вистината. Морам да ги заштитам моите играчи и му кажав на Трент дека се работи за обични глупости“, вели Саутгејт.
Александер-Арнолд ќе биде на позицијата на десен бек заедно со Киеран Трипиер, Рис Џејмс и Кајл Вокер. Самиот фудбалер се јави на Твитер со интересна порака.
„Секогаш верувај во себе. Замолчи ги критичарите“, напиша фудбалерот на Ливерпул.
Always believe in yourself. Silence the doubters. ??????? pic.twitter.com/vf5Nah3ji7
— Trent Alexander-Arnold (@TrentAA) June 1, 2021