Манчестер јунајтед се на добар пат да реализираат уште еден голем трансфер. По Џејдон Санчо, на „Олд Трафорд“ ќе пристигне Рафаел Варан, објави ЕСПН, повикувајќи се на свои извори во клубот.
Варан, влезе во последната година од договорот со Реал. Ги одби понудите да го продолжи договорот и побара од Реал дозвола да замине од Мадрид.
Реал, би го продале Варан за 70 милиони евра. На „Олд Трафорд“ сметаат дека сумата е висока и како што тврди ЕСПН, се надеваат дека ќе успеат да го донесат францускиот дефанзивец за 50 милиони евра плус одредени бонуси.
Изворот на ЕСПН открил дека преговорите помеѓу Манчестер јунајтед и Реал ќе се интензивираат во наредните денови и дека било прашање на време кога договорот ќе биде заклучен.
Рафаел Варан цела деценија е играч на Реал, со „кралскиот клуб“ ги освои сите можни трофеи во клупскиот фудбал.