Милвоки Бакс забележаа победа 109:103 во дуелот со Финикс Санс и го израмнија резултатот во финалната серија, во НБА лигата на 2:2.
Бакс до победата ги предводеа Крис Мидлтон и Јанис Адетокумбо. Мидлтон постигна 40 поени, од кои десет по ред постигна во завршницата на натпреварот, додека Јанис имаше импресивна блокада врз Диандре Ејтон при резултат 101:99, на 90 секунди до крајот на мечот.
Јанис натпреварот го заврши со 26 поени и 14 скокови.
Во редовите на Финикс најефикасен беше Девин Букер со 42 поени.
Финалната серија сега се враќа во Финикс, во недела од 3 часот ќе се одигра петтиот натпревар.