Римски Лацио експлодираше на стартот на новата сезона во Серија А. Избраниците на Маурицио Сари по првите две кола имаат импресивна гол разлика 9-2 и максимални 6 бода.
По триумфот над Емполи со 3-1 нагости, денеска „небесносините“ со преубедливи 6-1 на својот стадион го декласираа тимот на Специја.
„Прва виолина“ очекуван беше капитенот Чиро Имобиле кој постигна хет-трик иако во 45 минута најпрво промаши пенал, но веднаш потоа се поправи.
Преостанатите 3 гола за лацијалите ги постигнаа Андерсон, Хисај и Луис Алберто, во вториот дел од мечот.
Почесниот погодок за гостите беше дело на Верде уште во 4 минута, само 1 минута пред Имобиле да го постигне првиот од трите погодоци.
Вредно да се одбележи е црвениот картон во тимот на Специја што го заработи Амиан во 54 минута.
Лацио засега е на врвот на табелата, а Специја е во долниот дел со 1 освоен бод, на гостувањето во Сардинија кај Каљари.
Во истиот термин, Аталанта во Бергамо одигра без голови против екипата на Болоња, што е несвоствено за „црно-сините“ кои важат за многу ефикасен тим во Калчото.