Бразилската фудбалска легенда Пеле бил во болница шест дена со здравствени проблеми кои засега не се откриени, но 80-годишниот поранешен фудбалер не е сериозно болен сега, вели неговиот менаџер, Џо Фрага за „Ројтерс“.
Оваа изјава доаѓа откако весникот „О Глобо“ објави дека Пеле бил на рутински прегледи во болницата „Алберт Ајнштајн“ во Сао Пауло кога бил детектиран проблемот.
„Се работи за целосна низа на тестови, скенови, колоноскопија, преглед на крвта. Не се завршуваат за еден ден“, изјави Фрага, демантирајќи ги шпекулациите дека Пеле ја загубил свеста.
Пеле оваа година веќе ги загрижи своите фанови при снимањето на новиот документарец на „Нетфликс“ за неговиот живот и кариера, во кој изгледаше ослабено и болно.