Ливерпул ќе му биде конкурент на Арсенал, за трансферот на српскиот напаѓач, Лука Јовиќ, тврди „Дејли мејл“.
Лука Јовиќ, летото во 2019 година од Ајнтрахт се пресели ан „Сантијаго Бернабеу“. Реал за неговиот трансфер издвои 60 милиони евра. Две години подоцна тој е означен како едно од најголемите промашувања во историјата на славниот клуб.
Вториот дел од минатата сезона го мина во стариот клуб Ајнтрахт. Се врати во Реал, но кај Карло Анчелоти минорно е времето што го мина на теренот во досегашниот тек од сезоната.
Дека Анчелоти не смета на неговите услуги покажа и во саботата, кога му даде одмор на Карим бензема, а на неговото место во нападот играше Маријано Дијаз. Јовиќ дуелот во Елче го гледаше од клупата за резерви.
„Дјели мејл“, пишува дека Јирген Клоп, сака да ја засили конкуренцијата во нападот. Го означил Јовиќ како прва мета и играч кој би бил вистинска алтернатива за Роберто Фирмино и Диого Жота.
Интерес за Србинот, уште од лани, покажува и менаџерот на Арсенал, Микел Артета.