ПСЖ во рамки на 13-тото коло од француската Лига 1 запиша гостински триумф кај Бордо со резултат 3-2.
Мечот го одбележа Бразилецот Нејмар. Освен што постигна два гола, тој погодоците и ги посвети на популарната бразилска пејачка Марили Мендока која во петокот загина при пад на авион.
Нејмар го доведе својот клуб во водство во 26 минута, по додавање на Мбапе. Тогаш истрча до камерата, го подигна дресот и ја покажа маицата на која пишува: „Секогаш ќе бидам твој фан. Почивај во мир, ММ“.
Neymar opens the scoring against Bordeaux and dedicates his goal to his late friend and Brazilian singer Marília Mendonça, who died in a plane crash last night at 26 years of age.
“I will always be your fan, queen of suffering. RIP MM.” pic.twitter.com/XNaJa7G3O9
— Zach Lowy (@ZachLowy) November 6, 2021
ПСЖ во 43 минута ја зголеми предноста. Повторно стрелец Нејмар на асистенција на Мбапе.
Килијан по двете успешни додавања, во 63 минута и самиот се запиша во листата на стрелците.
Алберт Елис во 78 минута намали на 1-3, а конечниот резултат го постави Мбае Нијанг во судиското надополнување на мечот.
Инаку, 29-годишниот Нејмар синоќа ги постигна 400. и 401. гол во кариерата. 90 гола има постигнато за ПСЖ, 136 за Сантос, 105 за Барселона и 70 за Бразил.