Бразил е првата селекција од Јужна Америка која обезбеди место на Светското првенство во Катар. На шест кола до крајот на квалификациите, Бразил има 34 бода, со што и теоретски обезбеди едно од првите четири места на табелата.
Бразил, во 13.коло, ја победи Колумбија со минимален резултат. Единствениот гол го постигна Лукас Пакета во 72.минута.
Чиле со бизарен авто-гол на голманот Ентони Силва, победи во Парагвај со 1:0. Со оваа победа Чилеанците се вратија во трката за пласман на Мундијалот.
Перу славеше победа над Боливија (3:0), а Еквадор со 1:0 ја победи Венецуела.
