Кристијано Роналдо се огласи на социјалните мрежи по поразот од Србија, во квалификациите за пласман на Светското првенство. Србија, со голот на Митровиќ во 90.минута, избори место на Мундијалот и ја испрати Португалија во баражот.
Пред натпреварот во Лисабон, на Португалија и беше потребен еден бод за да го освои првото место во А-групата. Имаа водство од втората минута, но на крајот Србија се радуваше на победата.
По завршувањето на натпреварот, Роналдо, беше подготвен да заплаче, се присетил дека во Белград му бил поништен чист гол и дека поради тој детаљ, Португалија завршила втора во групата.
„Фудбалот секогаш ни ги покажува своите чудни патишта кои водат до посакуваните резултати. Вчерашниот резултат е тежок, но тој нема да не обесхрабри. Целта е да играме на Светското првенство, таа цел е достижна и точно знаеме што треба да направиме за да ја оствариме. Нема изговори. Португалија ќе оди во Катар“, напишал Роналдо на „Инстаграм“.
View this post on Instagram