Менаџерот на Вест хем, Мануел Пелегрини не е повреден откако тој и неговата сопруга биле ограбени од вооружени напаѓачи во Чиле во текот на викендот.
64-годишниот Пелегрини само што пристигнал во својата татковина, односно не биле поминати ниту 24 часа, кога со сопругата биле мета на вооружени напаѓачи кои ги пресретнале на пат до ресторан во Сантијаго.
За среќа, Пелегрини, кој го замени Дејвид Мојс на клупата на Вест хем на крајот на сезоната, не биле повредени.
Manuel Pellegrini, his wife and two friends have been mugged at gunpoint in Chile. His wife’s purse was stolen and the gang shot at police before fleeing in a stolen car. The purse has been found. Manuel has thanked police for their quick and courageous response. Nobody was hurt. pic.twitter.com/nshYJkIOEN
— West Ham Central (@WestHam_Central) June 4, 2018
„Неколку полицајци кои патролирале, ги слушнале врисоците и помогнале. Кога се појавила полицијата, напаѓачите испукале неколку куршуми, но за среќа никој не е повреден“, изјави Карлос Вилјароел од полицијата во Сантијаго.
Според чилеанскиот весник „Ла куарта“, на сопругата на Пелегрини и била украдена ташната, пред напаѓачите да влезат во автомобил и да избегаат. Пелегрини преку Твитер се заблагодари на брзата реакција на полицајците.
Felicitaciones a @Carabdechile por su rápida y valiente reacción. Agradezco el apoyo de la gente. Ojalá se le otorguen mas facultades a Carabineros para solucionar el tema de la delincuencia lo antes posible.
— Manuel Pellegrini R. (@Ing_Pellegrini) June 3, 2018