На англискиот шестолигаш Честер му се заканува затворање, откако Велс им порача дека ги прекршиле правилата за натпреварување за време на пандемијата на КОВИД-19 во една од најбизарните фудбалски приказни.
Иако Честер се смета за англиски клуб и има англиска адреса, нивниот „Свонсвеј Честер стадион“ се наоѓа на границата помеѓу Англија и Велс – стадионот се наоѓа во Велс, а паркингот во Англија. Во Велс во моментов е забрането да има повеќе од 50 гледачи на спортски натпреварувања, додека Честер двапати имале над 2.000 гледачи на мечевите на 28 јануари и 2 јануари.
„Иднината на нашиот клуб е неизвесна. Нема финансиска помош за англиски клубови кои играат без публика во моментов и ова може да значи крај на нашиот клуб. Тоа што стадионот е на границата не чуди со генерации, но сега тоа носи и легални мерки. Не знам зошто велшките власти се обидуваат да наметнат свои правила, кога од градењето на стадионот во 1992 ние постојано ги почитуваме англиските закони“, вели претседателот на клубот, Енди Морис.
