Тренерот на Реал Мадрид, Карло Анчелоти, од Ријад, ги демантирал шпанските медиуми дека Лука Модриќ потпишал нов договор со Реал.
„Се уште ништо не потпишал, но во пракса тој има доживотен договор со Реал“, изјавил Анчелоти за „Мувистар“.
Модриќ со 36 години е највозрасниот играч на Реал. Тој се надева дека ќе го продолжи договорот со Реал. Актуелниот договор му истекува на 30.јуни.
Модриќ го носи дресот на Реал од август 2012 година.
Реал Мадри, вечерва од 20 часот, против Барселона, ќе играат во првиот полу-финален натпревар во Суперкупот на Шпанија.