Барселона во последните 48 часа д зимскиот преоден рок влегува со амбициозни планови. Толку време има клубот да го продаде Усман Дембеле и да го регистрира Пјер-Емерик Обамејанг.
Дембеле и неговиот менаџер чекаат вистинка понуда, медиумите шпекулираат дека ќе се пресели во Премиер лигата, фаворити за неговиот потпис се Челси и Манчестер јунајтед. Интерес наводно покажува и ПСЖ.
Од друга страна Обамејанг е исфрлен од тимот на Арсенал. Се поврзуваше со Јувентус, меѓутоа трансферот на Душан Влаховиќ му ја затвори таа опција.
Каталонските медиуми тврдат дека Обамејанг се договорил со Барселона, се согласил да игра за минимална плата. Обамејанг во Арсенал има неделна плата од 300.000 фунти.
Доколку се пресели во Барселона, клубот нема да има обврска да го откупи неговиот договор.