Француската двојка, Габриела Пападакис и Гијом Сизерон, со светски рекорд, го освоија златниот медал во танцови двојки, во уметничко лизгање на Зимските олимписки игри во Пекинг.
Пападакис и Сизерон, го задржаа првото место по слободната програма и со вкупно 226,98 поени го освоија златото, кое поради бизарен инцидент не го освоија пред четири години во Пјонгчанг.
Со златото во Пекинг, Французите ја комплетираа импресивната низа на трофеи. Пападакис и Гијом имаа четири светски и пет европски златни медали и трофеи оф Гран при натпреварите.
Второто место им припадна на Викторија Синицина и Никита Кацалапов од Русија, а бронзата заврши кај Американците, Медисон Убел и Кахари Донахју.