ПСЖ утре ќе го пречека Реал Мадрид во првиот осмина-финален натпревар во Лигата на шампионите. Дел од натпреварот ќе биде Ашраф Хакими. Мароканецот во минатото беше играч на Реал.
Хакими, во Реал, не доби шанса да се докаже и покрај тоа што блескаше две сезони, како позајмен играч во Борусија Дортмунд.
Кога позајмицата му заврши Реал го продадоа во Интер. Од оваа сезона тој е играч на ПСЖ.
„Не знам зошто Реал не веруваа во мене. Имаа шанса да ме откупат по сезоната во Интер, не сакаа. Јасно е дека не се наоѓав во нивните планови, не се лутам, тоа е во ред. Сега сум среќен во Париз, ќе направам се да го поминеме Реал“, рекол 23-годишниот Мароканец.