Кшиштоф Пјонтек и Фиорентина стануваат „кошмар“ за Аталанта, откако Полјакот го постигна единствениот гол на „Артемио Франки“ за 1:0 победа која ги остава гостите далеку од посакуваниот топ 4 пласман и место во Лигата на шампиони.
Десет дена откако ги елиминираа Аталанта во четврт-финалето на Копа Италија, Виола и Пјонтек повторно ги „удрија“ гостите.
Пјонтек во 56. минута од мечот, по една брза акција на неговиот тим имаше одлична завршница за водство на Виола. Аталанта сметаа дека дојдоа до израмнувачки гол само пет минути подоцна преку Руслан Малиновски, но голот беше поништен од ВАР системот, а тренерот на Аталанта Џанпјеро Гасперини доби црвен картон. Ситуацијата беше контроверзна бидејќи во офсајд беше Ханс Хатебер, кој воопшто не ја допре топката, туку ја препушти до Малиновски.
Que este gol de Malinovskyi fuera anulado por la posición de Hateboer (que nunca interviene) es una de las mayores vergüenzas que he visto desde que existe el VAR pic.twitter.com/rTfVcmsPMe
— ⁷²❤️? (@GaspxJosip) February 20, 2022
Поразот ги остава Аталанта на петтото место на табелата со 44 поени, три зад Јувентус, додека Фиорентиа сега се на седмото место со 42 поени, колку што има и шестопласираниот Лацио.