Рој Кин, легендарниот капитен на Манчестер јунајтед во ерата на Алекс Фергусон, жестокот ги критикуваше фудбалерите на својот поранешен тим, по дебаклот што го доживеаја од Манчестер сити.
„Пет или шест играчи повеќе никогаш не би требало да заиграат за Манчестер јунајтед“, го започна коментарот Кин.
„Тие едноставно се откажаа, тоа едноставно не смее да се случи на ниту еден натпревар. Убавината на врвниот спорт е во тоа што не можеш да се сокриеш. Знам дека претходните години Јунајтед добро играа на „Етихад“, но сега сите ги видовме нивните недостатоци“.
„Сите сме биле во ситуација да губиме натпревари, но постои начин како губиш. Играчите на Јунајтед престанаа да трчаат, се откажаа. Тоа не го разбирам. Ќе има критики за менаџерот, тактиката, но неприфатливо е играчите да не се борат.Ова е показател каде сме во моментов како клуб. Другите клубови се далеку пред нас“, заклучил Кин.