Леброн Џејмс, влезе во историјата на НБА лигата, а неговите ЛА Лејкерс забележаа уште еден катастрофален пораз. Најдобриот тим во лигата ги победи Лејкерси со 140:111. Леброн на овој меч стана единствениот играч во историјата на лигата со најмалку 30.000 поени, 10.000 скокови и 10.000 асистенции во кариерата.
Финикс ги декласираа Лејекрси. Во првата четвртина постигнаа 48 поени, на полувреме 79. Лејкерси по првата четвртина имаа минус од 26 поени (48:22).
Кај лидерот седум кошаркари постигнаа двоцифрен број на поени, се издвоија Девин Букер со 30 поени и 10 асистенции и Диандре Ејтон со 23 поени и 16 скокови. Финикс на овој натпревар беа без Крис Пол и Кем Џонсон.
Леброн се издвои кај Лејкерси со 31 поен, седум скока и шест асистенции.