Фудбалската репрезентација на Канада избори пласман на Светското првенство во Катар. Последен пат, Канаѓаните биле дел од најголемата фудбалска смотра пред 36 години. На чекор до пласман на СП се и САД односно Мексико.
Канада лесно се справи со Јамајка и го обезбеди првото место во оваа квалификациска зона. Головите за Канада ги постигнаа Ларин, Бјуконен, Хојлет, а автогол си постигна Мариапа во последната минута од натпреварот.
Последен пат Канада била дел од СП во 1986 година, во Мексико.
САД, со хет-трикот на Кристијан Пилишиќ ја победија Панама со 5:1. Американците се речиси на Мундијалот. Во последното коло не треба да загубат со повеќе од пет гола разлика за и официјално да изборат место на Мундијалот. Во последната рунда САД ќе играат против Костарика. Оваа селекција ќе биде четврта и ќе игра во Интерконтинеталниот бараж.
Во последното коло еден бод им е потребен на Мексиканците за да го обезбедат третото место.
Мексико со голот на Алварез, забележа минимална победа во Хондурас.