Единсон Кавани по завршувањето на сезоната ќе го напушти Манчестер јунајтед. Интерес за 35-годишниот напаѓач покажуваат неколку клубови од Европа и Јужна Америка.
Шпански „АС“, тврди дека Кавани кариерата ќе ја продолжи во Реал Сосиедад. Клубот од Сан Себастијан сака да го ангажира на местото на Александер Исак. Младиот Швеѓанец сигурно ќе си замине од „Реале арена“.
Кавани, има лоша сезона во Манчестер јунјатед, има проблеми со повредите, а падна во втор план по доаѓањето на Кристијано Роналдо.
Најдобриот стрелец во историјата на ПСЖ во 2020 година, како слободен играч се пресели во Манчестер јунајтед, претходно играше во Палермо и Наполи.