Ракометните репрезентации на Србија, Унгарија, Хрватска и Исланд изборија пласман на Светското првенство. Мундијалот на почетокот на 2023 година ќе се одигра во Полска и Шведска. Пласман на СП избори и Белгија благодарение на елиминацијата на Русија.
Србија во најинтересната двојка од сите во баражот успеа во двата натпревари да ја победи Словенија. Пред четири дена Србите победија 34:31, а вечерва на домашен терен славеа со 23:20.
Хрватите против Финска ја оправдаа фаворитската улога. По победата од 34:21 во првиот натпревар, во реваншот Хрватите победија со 36:22.
Две сигурни победи забележаа и Исланѓаните над Австрија. 34:30 во првиот и 34:26 во вториот меч.
Унгарците по минималната победа во Израел 33:32, во реваншот победија со 31:22.
Светското првенство ќе се одржи од 11. до 29.јануари 2023 година.