Менаџерот на Манчестер Јунајтед во заминување, Ралф Рангник, ќе стане нов селектор на фудбалската репрезентација на Австрија. Најинтересно е тоа што промоцијата е закажана за утре. Само неколку часа по вечерашното дерби против Челси, тој ќе замине на промоција за следното работно место.
Рангник зимава го наследи Оле Гунар Солскјер во Јунајтед, но само како привремено решение, бидејќи требаше да седне во директорската фотелја следната сезона и да го води главниот збор за трансферната политика на „црвените ѓаволи“.
Сепак, Рангник во Виена се сретнал со претседателот на Фудбалската федерација на Австрија и спортскиот директор и по еден час размислување била договорена соработка.
За работите да бидат поневеројатни, Рангник вечерва на „Олд Трафорд“ го очекува дерби против Челси, а промоција е закажана за следниот ден во 11 часот во Виена.