Новиот селектор на одбојкарската репрезентација на Македонија, Ратко Павличевиќ, повика 24 одбојкари за прозивката утре во Маврово, на почетокот на подготовките пред стартот на Сребрената Европска лига 2022.
На техничарската позиција се повикани Ѓорѓи Ѓорѓиев, Филип Деспотовски, Ефтим Ричлиев и Давид Стојанов, коректори се Никола Ѓорѓиев, Стојче Арсов и Стефан Алексов, а на позицијата примач ќе конкурираат Владо Милев, Александар Љафтов, Стојан Илиев, Лука Костиќ, Васе Михаилов и новаците Блертон Бафтијари од Шкендија, Ангел Бошков од Универзитет во Тетово и Оливер Куновски од Борец.
Филип Маџунков, Ристо Николов, Филип Савовски, Славе Наков и Филип Лепидовски се блокери, а шанса добија и Михајло Мирасчиев од Штип УГД и за Христијан Андоновски од Борец.
Дарко Ангеловски и Костадин Ричлиев се повикани на позицијата либеро.