Шпанската тениска тинејџерска сензација, Карлос Алкараз доби чест да ја предводи неделната вечерна програма на Ролан Гарос и не ги разочара своите фанови, откако стигна до рутинска 6:1/6:4/6:4 победа над 22. носител, Русинот Карен Хачанов за да се пласира во четврт-финалето на турнирот, каде што го чека германскиот ас Александер Зверев.
Уште еднаш покажувајќи дека целата медиумска „помпа“ околу него не е без причина, 19-годишниот Алкараз имаше неверојатен старт на мечот, освојувајќи го првиот сет за само 27 минути игра.
Претходно, своето место во четврт-финалето го обезбеди и Зверев со 7:6 (11)/7:5/6:3 светскиот тенисер број 131., Шпанецот Бернабе Запата-Миралјес по нешто повеќе од три часа игра. Првиот сет беше посебно неизвесен, во кој Германецот стигна до 13:11 победа во тај-брејкот.