Новиот европски првак Реал Мадрид по големото славје веднаш се фати за работа и успеа да договори ново засилување за следната сезона. Како што информираат француските медиуми, Аурелеин Чуамени, одлилниот играч за врска, постигна договор со „кралевите“, а Монако ја прифати понудата на Реал Мадрид.
„Кралевите“ ќе платат дури 80 милиони евра, но и дополнителни бонуси за успеси ако во тимот биде Чуамени и Монако таквата понуда не можеше да ја одбие.
Чуамени претходно ги одби Ливерпул и ПСЖ, истакнувајќи дека неговиот сон е да игра за Реал Мадрид. Тој треба да дојде како наследник на сегашната генерација одлични играчи за врска во тимот, Модриќ, Крос и Кашемиро, кои освоија по пет трофеи во Лигата на шампионите.