Манчестер јунајтед добија нова надеж дека ќе го убедат Френки де Јонг да се пресели од Барселона, откако по вчерашната убедлива 1:4 победа над Белгија, холандскиот репрезентативец призна дека во репрезентацијата му е полесно отколку во Барселона во стилот на игра.
25-годишниот Јонг стана приоритет за новиот менаџер на Јунајтед, Ерик Тен Хаг, а иако фудбалерот изјавуваше дека Барса му е „тимот од соништата“, многу е веројатно каталонците да решат да го продадат поради проблемите со буџетот.
„Сакам да бидам првиот фудбалер кој ја добива топката од дефанзивците. Во репрезентацијата играм поинаку во однос на Барса. И мислам дека оваа позиција ми прилега многу подобро“, изјави Де Јонг.
Се верува дека Јунајтед ќе треба да платат околу 65 милиони фунти за Де Јонг.