По големата победа над Франција во Париз, Лука Модриќ даде кратко интервју за „ЕСПН“, во кое истакна дека Аргентина со Лионел Меси ја смета за еден од главните фаворити за освојување на Светското првенство во Катар.
Да потсетиме, Хрватска пред четири години во Русија стигна до второто место, а во групата ја победи Аргентина со 3-0. Модриќ смета дека Аргентинците денес се многу посилни од тогаш.
„Игравме против Аргентина на последното Светско првенство и победивме. Ова што го гледам сега е многу добро, ми се чини дека се многу посилни од пред неколку години. Создадоа навистина моќен тим околу Меси, кој е посебен играч“, изјави Модриќ и додаде.
„Денес тие се пообединети од порано, долго време се без пораз. Тоа кажува многу за нив. Со Меси секогаш се фаворити за злато.“