Садио Мане по шест години ќе го напушти Ливерпул. Сенегалецот кариерата ќе ја продолжи во Баерн од Минхен. „Скај Спорт“, објави дека Баварците ја подобриле понудата за Мане со што ги исполниле барањата на „црвените“.
Баерн за Мане ќе плати 32 милиони евра и 9 милиони бонуси, останува уште Мане да го стави својот потпис на договорот.
Договорот на Сенегалецот истекуваше на крајот на следната сезона, поради што сумата од речиси 50 милиони, за 30-годишен играч е преголема. Во Минхен веруваат дека Мане може да одигра на врвно ниво уште неколку сезони.