Клемент Ленгле, дефанзивецот на Барселона е на чекор до трансфер во Тотенхем.
Францускиот фудбалер доби дозвола од клубот да оди на преговори, а моментално најреална варијанта е позајмица со опција за откуп на договорот по завршувањето на сезоната.
Целосните детали за договорот се очекува да бидат објавени во вторник, а пред тоа Ленгле ќе ги помине медицинските прегледи во Лондон.
Откако Чави пристигна во Барселона, Ленгле повеќе не е стандарден стопер. Од ноември минатата година одигра само седум натпревари како стартер во Ла Лига.