Најдобриот српски тенисер Новак Ѓоковиќ нема да игра за репрезентацијата на Дејвис купот што од 13. до 18. септември ќе се игра во Валенсија.
Ова во изјава за „Спортски Журнал“ го потврди селекторот на Дејвис куп тимот на Србија, Виктор Троицки.
Ѓоковиќ требаше да и помогне на репрезентацијата во борбата за пласман на завршниот турнир, но се откажа од лични причини.
„Беше безброј пати во репрезентацијата, но сега не е во можност. Тоа е негова лична работа. Овој пат беше спречен да игра, но ќе ни се придружи во Малага доколку се пласираме на завршниот турнир“, изјави Ѓоковиќ.
Србија во Валенсија ќе игра против домаќинот Шпанија, Канада и Јужна Кореја, а во тимот ќе бидат Филип Крајиновиќ, Душан Лајовиќ, Ласло Ѓере и Никола Ќаќиќ.