Аргентинскиот репрезентативец Гонзало Игуаин ги мина лекарските прегледи во Милано и откако ќе го парафира договорот и официјално ќе стане играч на Милан.
Игуаин стана вишок во Јувентус, откако во Торино пристигна Кристијано Роналдо, за кого клубот издвои 100 милиони евра.
„Јас не сакав да си одам од Јувентус. Немаа избор поради финансиските промени што се случија во клубот и ми посакаа се најдобро во иднина. По се она што го направив за клубот мислам дека заслужив малку повеќе почит, но тоа е фудбалот“, изјаво Игуаин по пристигнувањето во Милано.
Во замена за Игуаин, во Јувентус се врати Леонардо Бонучи, а во Милано пристигна и Матео Калдара.
Аргентинецот оваа сезона ќе се води како отстапен фудбалер, а Милан на Јувентус ќе му плати 18 милиони евра, а наредното лето „росо-нерите“ ќе го откупат за 36 милиони евра.