На денешен ден пред 85. години е основан фудбалскиот клуб Работнички.
85 години истрајност, желба, посветеност. Херојот од Дебар Маало се роди на денешен ден, 4.октомври, во далечната 1937 година. Во витрините стојат трофеи, сведочат за шампионските денови на ФК Работнички, највозрасните се сеќаваат на почетоците, на пролетта 1937 година кога во кафеаните во Дебар Маало се родила идејата за формирање на организиран фудбалски клуб.
Традицијата се негува, историјата обврзува, а сегашните генерации се горди на минатото. Но, ја имаат честа и обврската да продолжат по патот на успехот.