Фудбалерот на ПСЖ, Лионел Меси успеа да собори уште еден рекорд во Лигата на шампионите, кој беше во сопственост на Кристијано Роналдо.
Меси од синоќа е фудбалерот со најмногу постигнати голови надвор од шеснаесетникот во Лигата на шампионите.
Во вторникот вечерта ПСЖ на домашен терен слаеше над Макаби Хаифа со 7:2 во натпреварот од 5.коло од групата Х на Лигата на шампионите.
Меси на тој натпревар постигна два гола – во 19. и 44. минута.
Вториот гол Меси го постигна надвор од шеснаесетникот на гостите. Тоа беше негов 23. гол, кој го постигна надвор од шеснаесетникот, со што го престигна Роналдо кој постигна 22 гола во оваа категорија.
Роналдо останува најдобар стрелец во историјата на Лигата на шампионите со 140 постигнати голови, додека Меси е на бројка од 129 постигнати голови во елитното натпреварување.
23 – Since his UEFA Champions League debut in 2004-05, Lionel Messi has scored more goals from outside the box than any other player in the competition (23, one more than Cristiano Ronaldo). Limitless. pic.twitter.com/oBBISQfgEj
— OptaJoe (@OptaJoe) October 25, 2022