Нејмар е лидер на Бразил и една од најголемите ѕвезди на претстојниот Мундијал во Катар. Бразилците, според сите прогнози, се најголемите фаворити за титулата.
Бразил со Најмар, за најголеми ривали ќе ги има Аргентина со Лионел Меси и Франција со Килијан Мбапе. Овие тројца се клупски соиграчи во ПСЖ.
Запрашан дали разговарал за Светското првенство во клубот со Меси и Мбапе, Нејмар вели:
„Секако дека сите играчи имаат големи очекувања за Светското првенство, сите се возбудени. Не зборувавме многу за тоа, но понекогаш се шегувавме дека ќе се сретнеме во финалето. Му реков на Меси дека ќе бидеме светски шампиони и ќе ги победиме во финалето, многу се смеевме“.
Потоа опиша какво е чувството да се игра во ист тим покрај Меси и Мбапе.
„Задоволство е да се игра со Лео и Килијан. Тоа се два џина. Меси долго време е меѓу најдобрите во светот, а Килијан е млад играч кој се развива и го покажува својот потенцијал, но има уште многу да научи. Секогаш е прекрасно да се игра со големи играчи. Секогаш ми се допаѓало тоа бидејќи шансите за победа се поголеми“, додаде Бразилецот.
Инаку, доколку Бразил, Аргентина и Франција победат во своите групи, нивните потенцијални натпревари не се можни до полуфиналето.