Греем Потер ги предупреди Челси дека мораат да најдат постојаност во својата игра ако сакаат да се во топ 4 во Премиерлигата за место во Лигата на шампионите по разочарувачкото 1:1 реми со Нотингем форест.
Овој резултат ги остава Челси на осмото место на табелата со седум поени зад Манчестер јунајтед, кои се на четвртото место на табелата, и иако Потер признава дека до крајот на сезоната има доволно мечеви, тој вели дека мора да се оди попозитивно во следните мечеви, почнувајќи со дуелот со шампионот Манчестер сити во четврток.
„За нас секогаш се работи за следниот натпревар и како да бидете подобри во него, има уште многу мечеви, така што можеби е грешка да се предвидува што ќе се случи за пет месеци. Мораме да бидеме попостојани. Така ќе може да се вратат повредените играчи на клучните позиции. Засилувања? Додека не ми кажат дека имаме потпишано со некого, не би било фер да коментирам“, вели Потер.