Двајца играчи на Реал сигурно ќе го пропуштат утрешниот натпревар во Купот на кралот, против Касарењо.
„Марка“, пренесува дека тренерот Карло Анчелоти нема да смета на голманот Тибо Куртоа и десниот бек Дани Карвахал.
Двајцата се повредени, но од клубот посочиле дека повредите не се сериозни и дека играчите треба релативно брзо да закрепнат. Сепак, тие не присуствуваа на последниот тренинг на првиот тим.
Карло Анчелоти ќе направи многу промени во својот состав на гостувањето кај Касерењо, најверојатно меѓу стативите ќе биде Украинецот Андреј Лунин, а местото на Карвахал ќе го заземе искусниот Фернандез Начо.
Тренерот на Реал, во секој случај, ќе ги одмори повеќето играчи кои беа на Мундијалот во Катар. Се најавува дека Еден Азар, по долго време ќе биде во стартниот состав.